*दरी सांधु या*
कमी करा पुस्तकांचे
ओझे बाल पाठीवरी
नच सुचला पर्याय
तज्ज्ञ हात वर करी
कधी मिळे बोजा ऐसा
दिसे डोळ्यांमध्ये भाव
ललाटीच्या रेषांमध्ये
काय लेख? कोणा ठाव
जगण्याच्या लढाईस
गोळा करी ज्ञानकण
त्याच युद्धाच्या कारणे
कचर्यात वेचे धन
परस्परभिन्न मार्ग
दोन रेषा समांतर
कशा व्हाव्यात एकत्र
कसे मिटावे अंतर
ईश्वराला नको दोष
न्याय अन्याय अटळ
ज्याचे त्याला भोगायाचे
भलेबुरे कर्मफळ
बदलुया मन:स्थिती
यत्न नकोत तोकडे
दोघांतील *दरी सांधु*
घालु मनाला साकडे
सौ. भारती महाजन-रायबागकर
चेन्नई
९७६३२०४३३४
No comments:
Post a Comment