*तिमिरातुनी तेजाकडे*
हाती लेखणी देऊन
अंध:कार अज्ञानाचा
प्रकाशाने उजळेल
*लावु दिपक ज्ञानाचा*
दारिद्र्याने, नैराश्याने
जीवनेच्छा संपवती
द्रव्य, धीर मिळताच
*जगी सुखाने नांदती*
व्यसनाच्या गर्तेमध्ये
जाती संगतीच्या पायी
नको दु:स्वास तयांचा
*सावरावी तरूणाई*
भ्रष्टाचारी तुडविती
नीतिमूल्य पायदळी
नसो सहभाग त्यांत
*जन जीवन उजळी*
कन्या, जननी उदरी
घुसमटे तिमिरात
*जन्म ज्योत पणतीची*
काळोखाच्या गाभाऱ्यात
तत्त्वज्ञान आचरण
*दीप धर्माचा जगती*
निज-स्वरूप-दर्शन
साधेलच आत्मोन्नती
सौ.भारती महाजन-रायबागकर
चेन्नई
9763204334
No comments:
Post a Comment