योगासनं आपलीच

 *योगासनं आपलीच*

आला आला एकवीस जून

आजच्या पुरते जागती सकल

आंतरराष्ट्रीय योग दिवस हा

नंतर करती चालढकल

आहे अतिशय महत्वाचं

योगासनांचं जीवनी स्थान

पूर्वसुरींनी सांगुन ठेवलंय

योग परंपरा किती महान

फक्त संकटी नको आठवण

हवी निरंतर संगत

शरीरस्वास्थ्य,मन:शांतीने

वाढे आयुष्याची रंगत

सूर्यनमस्कार किमान बारा

सहजच पाळु, नित्यनेम

आदित्यावर अवलंबूनी

चराचराचे कुशलक्षेम

आपलीच योगासनंं तरीही

आयात करू *आपलंच ज्ञान*

पाश्‍चात्त्यांनी दखल घेता

कळते, मायदेशाची शान

सौ.भारती महाजन-रायबागकर, चेन्नई

२१-६-२१