*वट सावित्रीचा वसा*
शीर्षक- *वसा एक, रूपं अनेक*
जुन्या रूढी,अर्थपूर्ण
होते त्यामागे धोरण
आरोग्याशी निगडीत
घेऊ जाणुन कारण
वड आधीच दुर्मिळ
नको फांदी तोडलेली
प्राणवायूसाठी लावु
नवी रोपं, रुजलेली
बदलत्या सावित्रीस
वसा अनेक रूपांत
कमावते पतीसह
लक्ष ठेवुन घरांत
देई हसत स्त्री-धन
येता संकट आर्थिक
पती कसाही, मागते
त्याच्या आयुष्याची भीक
शरीराचा हिस्सा देई
जेव्हां निकड पतीला
*वट सावित्रीचा वसा*
तिने ऐसा चालविला
वसा सावित्रीस, कधी
असो सत्यवानासाठी
तेव्हां कळेल जगास
किती सावित्रीच्या पाठी!
सौ.भारती महाजन-रायबागकर, चेन्नई
२४-६-२१
No comments:
Post a Comment