शीर्षक- *संभ्रम*
हिरव्या पानांच्या छायेत
भिजण्याचा आनंद जरी
हवीच छत्री तरी हक्काची
शोभती मौक्तीक सरी
कर्ण संपुष्टांस तोषवी
गिटारीचे मंद स्वर
मोदभरे, निखळ, निर्मळ
हास्य फुलवी मुखावर
धराशायी जाहला वृक्ष
बसण्यास्तव आसन परी
हिरव्या रानीं मुग्ध बालकें
विसरुनी दुनिया सारी
*सुर निरागस हो* सांगते
जणूं बालपण निष्पाप
नात्याला या नांव कशाला
जुळेल जे आपोआप
सकल नात्यांची अवीट गोडी
पण मनीं असाही *संभ्रम*
पाठोपाठच्या बंधुभगिनीचे
असतील सुरेख विभ्रम?
सौ.भारती महाजन-रायबागकर
चेन्नई
९७६३२०४३३४
No comments:
Post a Comment