नामी युक्ती
आज्जी कां गं रुसलीस?
डोळ्यांत कां गं पाणी?
अंगणी झोक्यावर एकटीच
बसलीस बापुडवाणी
आईचं नि तुझं आज
भांडण झालं काय?
मला नाही सांगणार?
मी तुझ्या दुधावरची साय
आईचं बोलणं कधीच फार
मनांवर नको घेऊ
आत्तां हाक मारेल तुला
'चला लवकर, जेऊन घेऊ'
ऑफिस आणि घर,
वैतागुन जाते फार
मनांत मात्र जाणीव असते,
तुझा कित्ती आधार
गोष्ट सांगतेस परीची?
कीं खेळायचा खेळ
बोल ना कांहीतरी आतां,
होउ दे तुझा माझा मेळ
आई शेजारच्या काकुला,
मघाशी सांगत होती बाई
सासुबाई सांगण्यापुरत्या,
आहेत माझी दुसरी आई
आजी म्हणे"थांब" तिच्या
आवडीची भाजी करते मी
रुसवा घालवण्यासाठी
कशी केली युक्ती नामी
सौ.भारती महाजन-रायबागकर
चेन्नई
९७६३२०४३३४
No comments:
Post a Comment