-बाराखडी काव्यलेखन
शब्द- *स*
शीर्षक-. *संसाराचा सारीपाट*
समानतेच्या समविचारी
सुह्रुदांचे साहचर्य सोडुन
सहजतेने सुलभतेने
साधण्यास समर्पण संपूर्ण
साजशृंगाराने सजुनी
संगतीने सखयाच्या
सुलग्नाच्या सूत्रबंधने
सौभाग्यकांक्षिणीच्या
सुवासिनीच्या सत्कर्मांनी
सुमंगल सदासर्वदा
समृद्धी, सुयश सुनिश्चित
सौख्य, संपत्ती, संपदा
संसाराच्या सारीपाटावर
सोंगट्या सुखदुःखाच्या
सज्ज संकटी सावरण्या
सदैव सासरघरच्या
सानंदे स्वीकारूनीया
सृजनाच्या सोहळ्याला
सुपुत्राच्या, सुकन्येच्या
सहर्षे स्वागताला
स्निग्ध, स्नेहार्द्र, सुलोचनांनी
सुसंस्कारे संगोपले
सक्षम, समर्थ,सद्वर्तनी
सद्विचारी साकारले
सत्व, स्वत्व, सुनीतीने साध्य
संधिकाल सहजीवनाचा
सुज्ञपणाने सहनशीलता
संपन्न, सोनेरी संवेदनांचा
स्मरण,स्वलेखन, सुस्पष्ट
सदोदित साहित्याचे
संधीला सोने समजुनी
सार्थक स्त्री-जन्माचे
सौ.भारती महाजन-रायबागकर
चेन्नई
९७६३२०४३३४.
No comments:
Post a Comment