शरण जाऊ या*
अनन्यभावे, विनम्रतेने *शरण जाऊ या* नतमस्तक होऊनी गुरु चरण वंदु या
सान थोर भेद नसो, गुरु मानण्यास
होई जरी निर्माल्य, पुष्प दे सुवास
इवल्याश्या मुंगीची शिकवण आचरूया...
नतमस्तक होऊनी गुरुचरण वंदु या
चुका टाळूनीया घेऊ धडा भविष्यांत
आपलेच हित असे संयम राखण्यात...
निसर्गापासुनी कांही बोध घेऊया
नतमस्तक होऊनी गुरुचरण वंदु या
मात-पित्यांचे संस्कार पथप्रदर्शक
शिक्षकांचे मार्गदर्शन जीवन रक्षक
मर्म जाणुनी आत्मसात करूया...
नतमस्तक होऊनी गुरुचरण वंदु या
वाट दाखविती जे पारलौकिकाची
अध्यात्म शिकवुनी धर्माचरणाची
सत्पदी नेतील ते सन्मार्गी जावु या...
नतमस्तक होऊनी गुरुचरण वंदुया
सौ. भारती महाजन-रायबागकर
चेन्नई
२३-७-२१.
No comments:
Post a Comment