*बोला मुखाने पांडुरंग*
विठ्ठल नामांत, वारकरी दंग
बोला मुखाने, पांडुरंग
भक्त हृदयी, विठु करी वास
नको कसले, नवस-सायास
रूप साजिरे, सावळेची अंग
बोला मुखाने, पांडुरंग
वेध लागती, तुझ्या दर्शनाचे
नाद घुमती, टाळचिपळ्यांचे
नाही साक्षात, मन तुझ्या संग
बोला मुखाने, पांडुरंग हो. हो.हो.हो.
थोर संतांचे, राखलेस सत्व
तुझ्या कृपेने, प्राप्त हो महत्व
भल्याभल्यांचा, केला मुखभंग
बोला मुखाने, पांडुरंग
भक्ती भावात, सामर्थ्य महान
अंतरंगी तू, शोधी समाधान
येऊ वारीत, बांधलाय चंग
बोला मुखाने, पांडुरंग
सौ. भारती महाजन- रायबागकर
चेन्नई
९७६३२०४३३४
No comments:
Post a Comment