ज्ञानाई
शाळा आमची फारच भारी
व्ही.जे. हायस्कुल तिचं नांव
दुमजली, दगडी, देखणी इमारत
शंभरावर वय, तालुका नांदगाव
नदीकाठी, मोठ्ठे, मोकळे मैदान
विज्ञानासाठी सुसज्ज प्रयोगशाळा
खो-खो, लंगडी, हुतुतू, पळापळी
हवं तेवढं, हवं ते, भरपुर खेळा
शाळेमध्ये मिळाल्या कितीक
जिवलग मित्र मैत्रिणी
कलागुणांना वाव मिळतसे
वार्षिक स्नेहसंमेलनांनी
थोर थोर गुरूजन आमचे
ज्ञानदानाची तळमळ
आयुष्य-रणांगणी सोडिले
शहाणे करून सकळ
अशी आमची आवडती शाळा
विद्यार्थ्यांसाठी *ज्ञानाई*
स्मरणरंजन-अंजुली वाहते
कृतज्ञतेने तिच्यापायी
सौ.भारती महाजन-रायबागकर
चेन्नई,
9763204334
No comments:
Post a Comment