विषय- *कवडसा*
शीर्षक- *कुठे शोधावा?*
त्या घनदाट जंगलातील मोठमोठी झाडं...
'तूं ऊंच जातोस कीं मी',असं आव्हान देत...
उंच उंच झेपावत आहेत जीवनदात्याच्या दिशेने...
तोही आपल्या उबदार हातांंनी
मायेनं कुरवाळतोय त्यांना...
'या... आणखी जवळ या...'
झाडंच ती...लहान मुलांसारखी भांडत...
आपापल्या फांद्यांनी एकमेकांना ढकलत, ऊंचच ऊंच वाढताहेत...
त्यांच्या मुळाजवळची इवलीशी
झुडूपं...
तीं मात्र वाट पाहताहेत...
कधी आपल्याही वाट्याला येईल एखादा *कवडसा...*
पण खंत...? अजिबात नाही...
मोठ्या झाडांच्या ऊबदार छायेत
वाढताहेत ती समाधानानं...
आणि त्या जंगलाशेजारचं हे आणखी एक जंगल...
झाडांचं...? छे! महानगरांतील एकमेकींशी स्पर्धा करणाऱ्या इमारतींचं
ऊंच...आणखी उंच... इमारतीमधील अंतर कमी...आणखी कमी...
मोकळी मैदानं...? कशाला...? वेळ कुणाला आहे खेळायला...
*डी* जीवनसत्वाची कमी...? सूर्यप्रकाशातुनच हमी...
पण...कुठं बरं मिळेल तो...?
आपणच तर पक्का बंदोबस्त केलाय...
सूर्यकिरणांना जमिनीपर्यंत पोहोचू न देण्याचा...
आणि आता शोधत फिरतोय एखादा तरी *कवडसा*!
सौ.भारती महाजन-रायबागकर
चेन्नई
9763204334
No comments:
Post a Comment